សិក្ខាសាលានិងព្រឹត្តិការណ៍នៅមន្ទីរពហុព្យាបាលសុវណ្ណ

ការចូលរួមរបស់មាតា បីតា ដើម្បីស្វែងដឹងពីការត្រៀមខ្លួនធ្វើជាមាតា ​បីតាប្រកបដោយជោគជ័យ និងដើម្បីបង្កើតមនុស្សជំនាន់ថ្មីពោរពេញដោយសុខភាពនិងសតិបញ្ញា។​ ជាពិសេសមាតា បិតានឹងទទួលបានចំណេះដឹង អំពីវិធីការពារទល់នឹងជម្ងឺមួយចំនួនដែលអាចការពារ បាន យល់។

មហារីកមាត់ស្បូនជាជំងឺដ៏កាចសាហាវបំផុត ដែលបានសម្លាប់ស្ត្រីនៅគ្រប់ទីកន្លែងនៃពិភពលោក និងស្ត្រីកម្ពុជាផងដែរ។ប៉ុន្តែវាជាជំងឺដែលអាចការពារបាន និងព្យាបាលបាន ប្រសិនបើយើងស្រាវជ្រាវរកឃើញវាទាន់ពេលវេលា។

ហេតុអ្វីត្រូវស្រាវជ្រាវរកមហារីកមាត់ស្បូន?

ការស្រាវជ្រាវរកមហារីកមាត់ស្បូន​ អាចទប់ស្កាត់ការវិវត្តន៍នៃជម្ងឺនេះទៅរកសភាពធ្ងន់ធ្ងរ និងអាចព្យាបាលទាន់ពេលវេលា។ ព្រោះថា ការវិវត្តន៍ពីដំណាក់កាលដំបូងទៅដំណាក់កាលចុងក្រោយមានរយះពេលយូរឆ្នាំ។ ដំណាក់កាលដំបូងនៃជម្ងឺមហារីកមាត់ស្បូន ​គឺគ្មានរោគសញ្ញាទេ។ ហេតុដូច្នេះ សូមកុំរង់ចាំទាល់តែមានរោគសញ្ញា ទើបស្វែងរកការព្យាបាល​ នោះគឺជាការយឺតពេល។

សំរាប់គូស្រករវ័យថ្មីនៅកម្ពុជា ការយល់ដឹងអំពីបាតុភូតនៃការមានគភ៏ វិធីថែទាំសុខភាពចាំបាច់ពេលមានគភ៏ គឺមានកំរិត។ ភាគច្រើនពួកគាត់ បានទទួលចំណេះដឹងតិចតួចពីចាស់ទុំ ពីទំនៀមទំលាប់បូរាណ ជាហេតុនាំឲការប្រព្រឹត្តិរបស់គាត់​ មានកំហុសឆ្គងដោយមិនដឹងខ្លួន ដូចជាការឆ្អើរភ្លើង ការញ៉ាំស្រាថ្នាំក្រោយសម្រាល គឺជាកំហុសដែលបង្កមហន្តរាយដល់មាតានិងទារក។

ការពិនិត្យសុខភាពមាតាពេលមានផ្ទៃពោះ គឺជាការចាំបាច់ដើម្បីសុខភាពនិងសុវត្ថភាពមាតា និងទារក។ ពីព្រោះអ្នកនឹងត្រូវបានកំណត់អាយុរបស់ទារកគិតពីរដូវចុងក្រោយ គណនាថ្ងៃសម្រាលប្រហាក់ប្រហែល កំណត់ចំនួនទារក បញ្ជាក់ទីតាំងរបស់ទារកនៅក្នុងស្បូនឬទេ? ជាពិសេសអ្នកនឹងត្រូវបានស្នើសុំឲពិនិត្យឈាម ដើម្បីស្រាវជ្រាវរកជម្ងឺឆ្លងផ្សេងៗ កំរិតគ្រាប់ឈាមក្រហម។ បន្ធែមពីលើនេះ អ្នកនឹងត្រូវបានចាក់ថ្នាំបង្ការរោគសំខាន់ៗ ដូចជា តេតាណូស រលាកថ្លើមប្រភេទបេ។

ដោយសេចក្តីស្រឡាញ់ និងក្តីបារម្ភ គូស្រករវ័យក្មេងដែលមានផ្ទៃពោះជាលើកដំបូង ត្រូវបានឪពុកម្តាយហាមប្រាមមិនឲធ្វើចលនា លើកដៃលើកជើង និងការធ្វើចលនាមួយចំនួន ជាហេតុធ្វើឲស្ត្រីទាំងនោះមានរាងកាយចុះខ្សោយ សាច់ដុំទន់ជ្រាយ ងាយឈឺសាច់ដុំ ឈឺចង្កេះ ងាយកើតជម្ងឺស្ត្រេស និងនាំទៅរកអត្រាបរាជ័យខ្ពស់ នៃការសម្រាលដោយធម្មជាតិ ។ សូមទាញយកនូវអត្ថបទលំហាត់ប្រាណពេលមាន ផ្ទៃពោះ ដែលរៀបរៀងដោយ អ្នកគ្រូពេទ្យ ហេង​ ដាវេត នឹងជួយឲលោកអ្នកថែរក្សារាងកាយបានល្អ និងត្រៀមខ្លួនសំរាប់ការសម្រាលដោយធម្មជាតិ។

<< New image with text >>